ZERO NOTES

麥浚龍 - 成魔之路

作曲：王雙駿　
填詞：黃偉文
編曲：王雙駿　
監製：王雙駿

多麼想好好的做人 但我知道
仁慈和原諒的結局 是更不幸
只有狠了心 待人沒惻隱
比每一個心 黑暗
才能提防被擊沉

#繃緊的肌膚底下層 是我魔性
封鎖於人類的血肉 動作很笨
准(當)我撕破這 萎靡舊身份
准(當)我解去這 封印
無暇同情爛好人(誰還祈求被封神)

*黑色的月亮在照耀我 (已經伸開爪 長出角)
黑色的佛像在伸手招我 (還在叫餓)
黑色的大道在帶著我 踩爛花朵走過河
(這一邊枷鎖 假使太多 走過河)

給好好先生管地球 沒法得救
如何和人類陰暗面 互相遷就
烏托邦理想 被淪陷以後
恐佈主義者 開秀
靖難治亂 用陰謀

Repeat *

黑色的動物在進入我 (痛苦中生出 新的我)
黑色的洞穴裂開生吞我 (無懼惹禍)
黑色的大道在帶著我 跨越天真走過河
(對光輝依戀 不必太多 走過河)

Repeat #


嘩...呢首歌一出碟要即買, 我真係未遇過像這首歌咁好似形容緊自己!!頭兩句歌詞係"多麼想好好的做人 但我知道 仁慈和原諒的結局 是更不幸", 你唔係魔鬼你唔會明?!

25歲了...終於到25歲...從前爛命一條甚麼都不怕,甚麼都不著緊...但現在終於似番個男人,為未來而去爭取!!爭取繼續做一個仆街, 永遠唔做小人同偽君子, 仍想繼續做我自己. 我要戒煙, 戒掉大洗的習慣,唔再買咁多衫,買咁多玩具...唯一有樣野呢世都唔戒的, 就是戒掉玩世.我愛玩,玩是我人生之動力,冇得玩不如殺了我吧!!

而今年希望身邊人身體健康, 我同陳靜繼續實踐我們的目標, 而最希望我能一償自己的夢想!!

祝自己25歲生日快樂|~

呢幾年中秋沒甚麼特別, 從前的中秋, 我地呢類南區人, 大家做完節就即刻飛的入深水灣,赤柱或石澳燒野食, 我對燒野食沒大興趣, 但我對於放火同踢火球呢兩個玩意, 極到喜愛!! 中學時, 極到鍾意砌模型的我,對整燈籠手作仔都有一定研究, 扎燈籠難唔到我, 最難扎都係球型的物體, 經過多番研究,用製作麵包花的鐵線來連接竹竿,入面放一舊大蠟燭,上面貼著玻璃紙,用來我們於沙灘上玩踢火球. 雖然次次踢幾下個火球都會熄,但我地幾條傻仔, 仍然都會點著佢, 等是但一個中招,將腳趾射入個波中間, HAHA!!

今年...LUNCH時已經知道公司放三點,襯LUNCH時間去買個KERORO中最得意的TAMAMA給陳靜做中秋禮物, HA...起初佢開心到不得了...殊不知, 之後接到朋友打來的電話...事件影響到我全晚的心情...推了友人的約會, 兩口子上了藍田公園賞月.平平淡淡地過!

忽然間想起以前我最愛的是一個好大的太陽款式的紙燈籠,真係唔明點解中秋節有太陽燈籠! 上YAHOO知識開下先!!!

北京之旅一

從香港出發去北京, 需要三小時, 由機場坐巴士到酒店下榻後,已經是當地的兩點鐘(與香港時差一樣). 我同陳靜就開始第一日的旅程, 恭王府同胡同遊.

胡同內的大街

我們的酒店在黃府井大街附近, 交通都算十分方便, 大約10分鐘就會到達, 恭王府, 一落車, 已經走來數條友仔來迫你坐他們的三輪車胡同遊, 我們被其中一條友仔窮追結果寺錯了方向, 我同陳靜被迫要用腳來胡同遊, 行行下唔對路, 番轉頭入口就出現, 交低人仔入場費, 便入內參觀.

恭王府內多人到不得了

恭王府建於一七七七年, 係乾隆時貪官和珅的大宅, 咸豐年(真的是咸豐年)改成恭親王府第, 我們今次參觀的只有花園, 因為很多都在修葺. 至於花園,不知為何,恭王府的設計是好多曲折,與傳統的四平八穩很不同,精巧異常, 可能與和珅為人性格相同吧! 來北京前看過資料, 好似有9999個福字在園內, 意思是”萬福”,但當日實在太多遊客, 沒心情去找出來. 不過來到後有些啟發, 貪官如和珅,總好過像陳水扁一家貪些百貨禮劵.

究竟點解呢?

走過恭王府, 穿越了綠油油的前海, 再行過一些像赤柱大街的胡同(陳靜送我一本靚筆記, 正!),
到達另一個景點—鼓樓. 鼓樓是北京古時擊鼓報時之處. 要行上69級石梯先可上去,但每一級樓梯高到不得之了, 但黃昏時份在高高的鼓樓上往外裏,都幾舒服,期間還看到打鼓表演. 至於鐘樓, 時間關係只能經一經過望兩望便離去.

好長好長的前海

黃昏的鼓樓

夜晚於附近一間<<孔乙己酒樓>>, 這是我們於北京的第一餐,叫了一個素雞, 油炆筍, 炒白菜, 小龍包,牛肉羹,同一個鮑汁撈飯, 其實都幾好食…不過素雞與平時食開的好唔同, 唔知用乜整, 酒尖筍都好好食, 不過最好食的都係鮑汁撈飯, 仲要係18蚊, 哈!!食飽飽散過步後, 同陳靜回酒店休息, 北京行少點腳骨力都不行!待續

食飯時間

十八蚊的鮑汁撈飯!

從小學開始, 我最想做的是編劇同DJ.我想做DJ是因為軟硬, 我想做編劇我都唔知點解. 大過了先知原來我係變態,我想做DJ同編劇,都係源自一個想法, 就係想說教!到而家公司做CG ANIMATOR,比舊公司好好多.因為多很多自由度.即是我去主導觀眾同老細睇乜,都係好變態的行為.但我樂於咁做.自由度對我來說真的很重要,而今年終於為我的夢想行近了一步,去讀編劇班,我知我冇天份去做編劇,但起碼而家有機會去貼近我的夢想...一次就夠了!(當年903又招攬新DJ, 本黎想去試下, 但朋友晨早打黎話好那多人排,就係咁我就冇去廣播道...而家想起自己多麼的笨).

想起高橋楊一短篇集裏, 泰萊的一句話"做了而後悔,比不做而後悔更加好吧!"

丫, 提起編劇班, 堂中提到一些得意o既野, 就係愛情故事.
導師鍾繼昌這樣說, 一個愛情故事, 目的都係講果兩個字, 就係<媾女>. 結局得兩款, 就係媾到同媾唔到女!!普通的愛惰故事是講男或女或一群男女追唔追到心儀的對象.
而一個好看的愛情故事,在於有條友99%追唔到心儀對象而最後又俾佢追到,再勁D既仲會死埋添,就好似<鐵達尼號>咁,而點解<羅密歐同茱莉葉>被喻為最偉大的愛情故事, 係因為羅密歐99%追唔到心儀的茱莉葉而最後又俾佢追到, 仲要死埋兼化解兩個家族的仇恨!!

仆佢個街, 搞到我而前諗落的愛情故事全部要大改....頂佢!!!

I wanna make you smile,
Whenever you're sad.
Carry you around when your arthritis is bad.
All I wanna do,
Is grow old with you.

I'll get you medicine,
When your tummy aches.
Build you a fire if the furnace breaks.
Oh it could be so nice,
Growin' old with you.

I'll miss you, kiss you,
Give you my coat when you are cold.
Need you, feed you.
Even let you hold the remote control.
So let me do the dishes in our kitchen sink.
Put you to bed when you've had too much to drink.
Oh I could be the man,
Who grows old with you.

I wanna grow old with you.

呢首歌係商台dj細so, 同佢個女人阿wing求婚唱的歌,
而細so臨場的表現,唔知點解我覺得好似自己!
希望有一日都可以好似細so咁, 可以俾自己的女人一個咁過癮的求婚!!

我在意甚麼?!
我在意很多.
很多的人,很多的事.
在意唔代表我會將喜怒哀樂施予某人某事某物.
我在意只因我在意.
你不需要在意我, 因為我從不在意你.
我自覺自己是小的,我唔想感染你.
你就是你, 我就是我,
我寧願你一世憎我,都不要扮我!
我影響你嗎?明白, 但請不要扮我!

乖啦,我只是一條塵世中的仆街,放過我吧!!
我的言論,我的行為及舉止,是不需要你的跟從及改變往日的你.
如果有一日, 你做回從前的自己,會更值得人所敬佩!
因為你就是你,而不再是誰的影或子,或誰的契弟!

講到尾, 我在意"自我", 你有"自我"嗎?