ZERO NOTES

四月已經就黎過去, 由三月尾開始, 平均每天都要工作十六小時,
不斷咁做,不斷咁改,不斷咁做output,剩低的只有40 GB的file要backup...

看了<獨家試愛>, <伊莎貝拉>和<陶吉吉滇唱會>,
看著南華降班,曼聯和了新特蘭,同老細飛了去印尼

好多感覺, 但可惜冇時間去揣摩!

今朝番到公司, 望左個陰沈沈的維港, 真係好想繼續訓
訓一個你死我活...都係唔寫野住..

尋晚去了睇電影節其中一部電影<<守夜神>>, 所以冇睇呢個電影金像獎頒獎典禮囉!
但今朝睇番報紙,最開心當然係知道黑社會拿到最住編劇, 同粱家輝拿到影帝!

講番套戲先, 大D!! 令我想起套電影上映時, 一班朋友在討論黑社會,
其中一友人話, 大D踢個阿叔落山時, 好癲好狂, 但其實搵O靚坤黎做咪得囉,
冇錯啦, 就係呢樣野,好多人看大D呢個角色或看杜SIR電影時, 都用了港式簡單思維來睇港產片,
之係拍到戲出黎要好直,要好似"南係為世所迫先入黑社會,O坤就係大奸狗,之後浩南報仇成功, 劇終!"
講真的中三時我仲好低B 好接受到這種咁直的電影.
如果仲用呢種看電影方法黎睇, 我就建議唔好再睇杜SIR電影,
講番個劇本,編劇遊乃海次次都將一些事情描寫得好歐洲電影, 樣樣事都來得好自然!
黑社會, 試試想將呢個故事放係一間公司裏, 都可以拍得好好睇, 只是今次用黑社會來比喻!
講番粱家輝演的大D,外表大癲大喪, 我真係諗大癲大喪的人做到黑社會大佬,
只有古惑仔系列先出現!
大D係成套電影最看重"情感"的一個, 重情的人才怕被出賣,
因此佢才將自己表現得要人人都怕佢咁O既樣! 在張家輝食匙羹一幕, 起初大D係拋阿張家輝,
丫, 點知佢真係食, 搞到大D都有D唔好意思"叫你食又食"... 如果真係癲喪, 就唔係出現呢句對白,
只會好似羅莽咁狂笑"哈哈哈哈",粱家輝係呢個位做得好好,要穿梭外同內的情感,
一面要扮野,內裏又有在鬥惻隱之心...
而呢個扮癲狂,卻有惻隱之心,重情義, 卻怕被人出賣的大D, 反而是成為了呢套戲的重心!
係監倉裏,佢話分家時,根本就唔想分家,佢真係分家,要唔要咁大聲同你地講先,
佢用了一個比較女性的方法去處理, 就係傾唔埋就叫分手, 睇下你地反應, 唔對路就即刻收手.
而阿樂深知佢係咁,用了一種好男人的態度對番佢,同佢傾下心事,"哦, 原來你係嬲呢樣野呀?,等我阿樂錫番你呀! 以後我搵到錢俾大半你就家用呀!兩個人係天台呀,幾羅曼蒂克,
阿樂再許下一些男人永遠做不到的諾言, 大D這種重情的人, 果一刻梗係乜都接受啦!
係因為那一刻的氣氛而接受!
到後來, 大D見到隔離屋陳生都俾陳太一半人工做家用啦,佢唔係迫阿樂俾大半,只係想同佢平起平坐.
但愛阿樂.唔想佢下台.佢只求平等...但阿樂愛金錢...
出黎做野..同人講感情, 受傷的一定是自己...唉.....呢個杜會, 根本就會黑社會...
好多人出黎做野都好似東莞仔咁講"唔好意思", 唔好意思都痛架...
好多人都好似JUMMY仔咁表面風光, 但有苦誰人知呢,
雖然黑社會冇鎗火係我心目中的超然地位, 但黑社會個劇本真係好好!!
再加上剪接同配樂都好在, 令成套戲更加有完整性!!

尋晚去了睇電影節其中一部電影<<守夜神>>, 所以冇睇呢個電影金像獎頒獎典禮囉!
但今朝睇番報紙,最唔開心當然係知道周杰倫拿到最住演員, 同鳩UP之王兩兄弟拿到最佳視覺特效!
唔扮野,做自己,GIODANO 得最佳演員..做幾個CG鏡頭就可以拿獎?!

心情不太好的早上..我就係度亂寫野...