古希臘的一個神話經常被引用，那就是：上古的人原本是兩個頭
，四隻手，兩對腳的，但上天恐怕人力量太大，就把他/她斬成兩半
，從此每個人都是不完整，必須四出尋覓自己的「另一半」。
編劇班的對白未寫好, 今朝又出現了另一個故仔的原念...我真係好難去專心做一樣事!就像踢波一樣, 總是不能專心地踢, 自己踢左十幾年波都好似從未專心過, 唯獨有次我認為最專心的一次踢波, 竟然是與曼網隊參與石地王賽事,輸好多粒的一場比賽, 地點是我踢了好多年的維園. 那天我是通宵趕完project來的,只在課室訓了一覺,便回家拿衫. 到場當然是做後備啦,站在球場旁,眼睛看著隊友努力比拼, 但眼皮已經垂下大半,差點睡著. 轉眼間我們好像已經輸了3比0, 後來我也不知入我替了誰, 只記得球場好大, 不需要想點踢,亦沒有任何壓力(同hondo踢波其實很有壓力). 怎樣解釋呢, 那一刻感覺像原始本能地踢, 所有動作我沒有去思考, 跑就跑,交就交, 射就射, 輝哥頂橫俾我, 我就窩利射入了, 我腦海都沒有想過射的, 身體卻好自然做了那種作, 死, 好似講到早洩咁, 但又真係幾似!
自那一次, 我就反覆去找回那種隨心的感覺, 找到一點點頭緒, 原來我好精神時, 思緒是好亂的, 反而我睡得四小時,趕著回公司的早上, 我才找到那種感覺的小小部份, 像那首與阿傑一齊改編的<最佳損友>抽煙版, 原念就是在紅隧口落車時, 看見一個貼近垃圾桶的佰佰,正在煙灰缸裏找那些未熄的煙蒂, 外看是滄涼片片,內看是他與煙的友誼永固, 耳內傳來陳奕迅的最佳損友...就是這樣產生了人家所謂的"靈感"
有些人想爭第一,想做高層想做皇帝, 想做萬物之靈! 我愛飛, 但不想飛得高, 我愛浮, 卻不愛力爭上游, 我要腳踏實地,因為地上, 可以行自己的道, 行到那裡開心到那裡, 與朋友們在地上發掘人生的有趣的事, 十分有趣!!
星期三, 3月 07, 2007
從呢一句"同hondo踢波其實很有壓力"，我亦有反思。
我以往對比賽過份認真，所以無形對自己對人地都有過份的要求，真係我有壓力，人地都有壓力。
不過自從傷左，感覺唔同左。所以復出踢左兩次波，無論隊友踢成點，又或者我自己交錯波俾人媽义，我都會笑笑口拍拍佢膊頭，然後繼續踢。
希望再有機會一齊踢波。
丫, 我認同比賽是需要壓力, 不過點樣令到隊員投入及享受壓力就係總監你的工作了, 而我好肯定咁話你聽, 我同阿紐奴都會認為,在你的督促下, 踢法係成熟左, 成熟是好重要的!!
我建議係, 練波時可以放鬆, 比賽時就謹慎, 就係咁!!
不過呢編野我都唔係話你, 乜我係呢d人咩?haha!!
我緊係知你唔係話我la。你敢....哈哈！
其實，我都係有感而發姐。
呵...
多謝分享!