ZERO NOTES

我其實好怕寫野, 現在就怕打野...但偏偏而家就係度打緊野.
人就係咁奇那怪

文字, 其實好容易傷害人...以前中學時, 我係作文槍手,
一個"記一件難忘事情"的題目, 我以廿蚊一份的價錢,
以兩晚時間作了十份, 盛惠二百蚊. 同學問起"你識寫情書嗎?"
我當然來者不拒, 都係用我的公價來寫, 廿蚊一份!

廿蚊, 那時麥當勞還是$16.8, 我寫了很多個廿蚊去買一對
我心儀很久的jason kidd(當時佢仲打緊太陽). 有的是去感動人
那句"和你相依相靠永不分手,一齊相親相愛相戀永久",
永遠放在惰書尾段,扮一個娓娓道來...數月後, 曾經係我一個要我為
他寫情書去追培德棲的顧客,問我可否為佢寫一篇分手信,
內容係話相處太難,一個讀男校,一個讀女校,拍拖很不方便.
其實諗番起,真係十分荒謬, 但那時廿蚊對我來說都好重要,
那時屋企經濟衰得好緊要,錢係要自己賺回來,
買乜買物都由自己賺回來, 看見那些屋企有個臭錢買乜買物,
我用自己能力賺回來著的鞋, 更覺得卿香.講番封信, 清楚內容,
就開始著手寫, 我用了兩堂英文堂去寫, 其中一段我覺得彼毒辣
"愛人不是叫幾聲愛人就是愛人, 愛人是要承擔一些責任,
而這責往往令人卻步, 我有試過去走這段, 但原來回望過去,
一直都像我一個人走, 走呀走, 再走回來, 原來陪我走的只有我自己,
原來我們只愛自己, 對不起", 真是吊詭, 我都不明白那時的我用甚麼心境
去寫一封情書, 給一個只知樣子,從不對話的女孩.吹脹~

人越大, 越怕寫野, 更怕用文字來表達自己,它既是尖刀又是盾.
有人用來切菜避雨, 但偏偏有更多人用來作武器,要刺破觀眾的眼,
直達心臟,激死對方, 令我想起孔明. (題外話: 小學五年級伴我成長的
是可以於圖書館借的"三國演義連環圖",以那時的智慧, 我愛上劉備一黨,
英雄豪傑, 大了才知, 我真正欣賞的是曹操...究竟甚麼才是挾天子以令諸侯?!
堂堂天子成廿歲人結埋婚,還要聽丞相那支話事笛?! 歷史也是由人寫出來的.)
孔明叻仔,用言語作尖刀激死一個人,攻擊力驚世駭俗, 文字作武器, 攻擊力未必強,
但就如被針"吉", 好入肉的!就如米蘭.昆德拉那本生命中不能承受的輕中形容,
言語或者是重, 文字就如那份輕浮.