ZERO NOTES

一向以沉悶見稱的英格蘭終於出局!我既沒有興奮, 也沒有悲哀!最悲哀是看到仍有人支持出朗尼,當佢是救星
,一隊強隊要運用一個剛傷癒廿十出頭的前鋒掛帥?!可笑吧!阿根廷出局, 有人話比格文點解不用美斯打正選,因為人們有太多好球員,不急於一時! 讓一個年青球員一步一步成長, 總好過將佢塑造成一步登天吧...只怕朗尼像奧雲一樣, 廿六歲已經被傷患及厭戰困擾...天才有好技術,但未必有很強的心理質素!

我對英格蘭出局, 真的沒有任何感覺,反而烏克蘭出局,感覺還大!中場球員沒有像強隊般粒粒皆星,亦沒有出色的防中及攻擊中場, 但他們打側擊打得出色過擁有七旋斬碧咸的英格蘭,在落後時,仍依舊踢法, 靠的是鬥心!擁有開角球了得的球員..英格蘭用上角球旗戰術,我唔信係艾歷臣教他們這樣造吧!提起艾歷臣,一個我們普通球迷都看得出不在狀態的林佰特場場正選?!或宿可以這樣說, 其實要有力爭奪世界盃, 絕對需要有好的門將, 可惜英格蘭沒有!!列文, 巴夫斯, 保方及列卡度, 都於重要時刻發揮作用, 無名英雄是也....但八強出局那四隊球隊的四名門將都未及好的級別!!(阿根廷最慘係傷了正選門將)

剛上去曼網同利記個site...英格蘭fans...竟然指責c朗...人家國家大過天!唉...我覺得佢唔咁做先唔正常!看見曼網嘈的是c朗,利記怪的是朗尼.ha,真搞笑!我唔係要曼迷鍾意高洛治,利記鍾意加利仔...而係我認識其他國家隊的球迷...唔會將聯賽的仇恨放在自己的球隊身上!好反智....鍾意英格蘭只係鍾意陣中的利記球員..
情意結令好多香港英格蘭球迷睇波睇到傻左....

碧咸, 英格蘭打得最好的仍舊是你...奧雲..你欠的是運氣...