(當男朋友愛上)男朋友-梁朝偉旁白
曲: 雷頌德
詞: 黃偉文
編: DRY
唱: 雷頌德
白: 梁朝偉
撞番佢嗰日,我啱啱同女朋友因為簡東拿而嗌咗場大交,至於點解係簡東拿,我諗唔係咁方便講俾大家聽,總之我哋係埋一齊四年,曾經試過因為三國誌,加州飯卷, 維他命B集, 北京控股,松隆子嘅化妝品廣告,甚至係Yahoo嘅Net Search,同埋好多似乎唔係太適合作為分手理由嘅原因而嗌咗無數次交,我諗情形其實同一般情侶冇乜大分別……
甚麼不妥? 餐廳選錯? 鮮花揀錯? 敏感麼?
甚麼都錯? 刀叉擺錯? 英文講錯? 我識錯?
我要以我這種粗魯失禮 難自製 就像未曾入世
去襯托你那種優雅高貴 教養才學與智慧
猜一猜 幾千萬人 幾億萬人 站著任你怨的人 會有幾人
想一想 幾千萬人 幾億萬人 獨獨是我這種人
有這種特別成份 才可將你優點映襯
講番呢個偶然喺街上邊撞番嘅人,嚴格嚟講,佢算係我大學嘅同學,同級但係唔同系。二年級嗰陣,一齊修讀過一個學期西方思想哲學討論,係電影節撞過幾次,於是约吓大家打籃球,同埋睇俊彦嘅舞臺劇.最記得嗰次係有一年嘅二月十三號,大家一齊喺大學站miss咗出九龍嘅尾班火車,我同佢企喺冇人嘅月台上邊過左嗰個情人節嘅十二點……我請佢食咗一塊朱古力橙餅.
畢業之後,唔知點解我哋就冇再聯絡,甚至可以話,呢七八年之間,我都只係諗番呢個人一兩次……最多三次……
去對照你那種精緻仔細 無人能及你駕勢
猜一猜 幾千萬人 幾億萬人 站著任你怨的人 會有幾人
想一想 幾千萬人 幾億萬人 獨獨是我這種人
有這種特別成份 才可將你優點映襯
直至今日,我哋有一次喺夜晚八點嘅銅鑼灣撞番,今次係佢認到我先嘅。冇見對方接近十年之後,佢同我講嘅第一句說話係:我屋企雪櫃有支vodka,上嚟同我飲杯吖!後來我先知道,佢嗰晚都係同女朋友嗌咗交,聽講系因為Madonna嘅Don't cry for me, Argentina
猜一猜 幾千萬人 幾億萬人 糊塗但愛你的人 哪裡找尋
想一想 幾千萬人 幾億萬人 獨獨是這對戀人
有這種特別成份 從相反處顯得相襯
跟住落嚟嘅古仔其實冇咩嘢好講,我淨係想話,揾到一個可以陪你行街睇戲食飯瞓覺結婚生仔嘅人似乎唔係咁容易,但要揾到一個同你一樣咁鐘意滑水、一樣咁迷川久保玲、一樣識唱晒成首金剛飛天豬主題曲、一樣習慣食完晒D飯先至慢慢歎D鳳爪排骨嘅人更加係萬中無一,其他嘅嘢,都已經唔係咁重要.
於是,我同佢係埋一齊.一路到而家.
加州飯卷... 反卷
同埋睇俊彦嘅舞臺劇 .... 係進念
金剛飛天豬.... 飛天鑽