孝勢壽司

Posted by : zero fan 星期三, 2月 22, 2006

死啦...個肚開始肚餓, 一肚餓我就諗起孝勢壽司
幾個月前經同事介紹下, lunch一齊去左食呢間係黃埔的孝勢, 冇預備之下入了去,
看看餐牌,頂佢個肺, set lunch最平都要成舊水,最貴果個都成170蚊.
但既然入到黎,見果日出左糧就決定食豪D.
同事話魚生飯好食,就點了價值140蚊的魚生飯.
貴就係貴,但我可以好肯定間野係我廿四歲人食香港咁多間日本料理, 最好食的!
LUNCH SET料理師父交足晒料,唔係求求其其! 諗起都正!
另一次去就係同陳小姐3週年紀念, 我同佢去果度食LUNCH,
都係LUNCH, 因為夜晚食,每人起碼700蚊一個啦..
我點了剌身定食,佢就點了魚生飯, 我個刺身定食,大了嚇死狗,
最重要陳小姐都食得開心丫麻, 飯後再黎一杯咖啡,
死啦...個肚已經開始肚餓...肚餓到要念,
孝勢孝勢,頂你個肺...好好食....