ZERO NOTES

決戰偷心男

故事簡介

喜歡玩弄感情，挑戰自己追女捕男能力的民俊和之願遇上了。兩人被情場界人士喻為高手，今次遇上，一場瘋狂的誘惑角力賽，一觸即發！一見鍾情．．．發現大敵當前！
遇上合眼緣的女人，使出看家的追女本領，在第一次的約會，以為親密行為可以垂手可得，怎知發現對方是捕男界高手。為了令自己能成為情場追女至尊，民俊不惜攪盡腦汁，為輯拿捕男之女作好一切準備。
當兩位情場高手遇上，要一決高下，之前本是百發百中的追女捕男本領，現在都未必夠用，究竟民俊與之願，誰能首先戰勝心魔，成為情場至尊？！

導演 : 吳基桓
演員 : 孫藝珍, 宋一國
片長 : 101 分鐘

星期四晚放得早,相約陳小姐傾完保險就去九龍城食牛肉餅,
再殺落apm, 買了本書, 決定睇場戲, 想睇慕尼黑,但成三粒鐘,
都係留係weekend先睇, 結果選了孫藝珍同從未見過的的宋一國主演的決戰偷心男.

今朝忙於歌詞,所以而家先得閒寫下野.
講真,套戲笑位不錯的.但後來先發現幾點弔詭的地方.
自己一直對韓國電影存有好感,原罪犯呀, 我的野蠻女友等,
都對我影響深遠. 而電視上看到宋慧喬及誠進哥,
我先知道原來韓國都有d好sharp的藝人,
到了孫藝珍, 一套假如愛有天意,
加上南韓影帝曹承佑(丫, 佢套我愛馬拉松係好好睇的)!
令孫藝珍那種楚楚動人表露無遺, 東南亞忽然殺出一班佢fans,
也令我為佢動容, 但好衰唔衰,昨晚由於劇情需要,
出現了好多時間俾我留意韓國明星的打扮,
其中有一幕孫藝珍著黃色外奪黑色衫全白褲,真係好頂癮,
唔知點解一看就覺得好內地feel,
或者跳舞果part都俾我好強烈大中華味道好, (令我想起周迅,周迅反而冇咁內地)
而男的, 就好鍾意著到king of fighter入面個草雉一樣, 真係唔知點解!!
有冇人可以解答到我呢,因為我寧願見番佢扮學生妹...
至於套戲, 真係冇乜野好值得去講, ha!

韓國片,最出色的我覺得因為佢地夠薑試,試唔同的題材,
試出一些新的鏡頭,剪接,我真係好鍾意原罪犯!
但當預到一些普通題材的韓片我就覺得奶野了.
普通的地步係去到黃晶那種雀聖一樣,
(孫藝珍係戲內其中一個造型係好match雀聖2的)
呢類韓片都係留番俾追星族看吧!!

腦內想起了宋慧喬,ho!
又想睇多次我的野蠻女友添!